Daawo Sawirrada: Sida quruxda badan ee madaxweynaha loogu soo dhaweeyay Beledweyne

Madaxweynaha Jamhuuriyadda Federaalka Soomaaliya mudane Xasan Sheekh Maxamuud iyo wafdi uu hoggaaminayo oo maanta gaaray magaalada Beledweyne ayaa si diirran oo hab maamuus leh loogu soo dhaweeyay halkaasi.

Madaxweynaha ayaa markii uu ka degay garoonka diyaaradaha Beledweyne waxaa uu salaan sharaf ka qaatay cutubyo ka tirsan ciidanka XDS, isagoo kaddibna mid mid u gacan qaaday mas’uuliyiinta, waxgaradka iyo bulshada garoonka ku soo dhaweeysay.

Booqashada uu madaxweynuhu ka tagay Beledweyne ayaa ku wajahan sidii loo dhameystiri lahaa heshiis dhawaan ay halkaasi ku gaareen beelo walaalo ah oo ku dagaallamay Beledweyne.

Madaxweynaha ayaa la filayaa in uu kulamo la qaato mas’uuliyiinta maamulka gobolka, odayaasha dhaqanka, iyo bulshada ku nool magaalada Beledweyne.

Waxaa Soodiyariyey Warkaani Wariye C.qaadir Xasan Jookar