Xaflad ay soo abaabuleen dhalinyarada kasoo jeeday labada bahood iyo marooyinka oo lagu soo dhaweynayay caleema saarkii dhawaan loo sameeyay boqorka labada bahood iyo marooyinka ayaa shalay waxaa lagu qabtay magaalada Muqdisho ee caasimadda dalka Soomaaliya.

Munaasabadda ayaa waxaa kasoo qeyb galay boqorka dhawaan la caleema saaray oo ah Ex-nabadoon Cabdullahi Geedi Shadoor, xildhibaan, odayaal dhaqameed, abwaanno iyo marti sharaf kale

Intii ay socotay munaasabadda ayaa dhamaan dadkii ka hadlay waxa ay sheegeen in ay aad u taageersanyihiin in ay yeeshaan boqor, waxa ayna ballan qaadeen in ay taageeri doonaan, iyada oo ka codsaday in uu cadaaladda u hiiliyo.

Boqorka ayaa ugu danbeyn munaasabadda ka hadlay waxa uuna ka codsaday beesha uu boqorka u yahay in ay nabadda ka shaqeeyaan, isagana ay ku garab istaagaan qaabkii uu u gudan lahaa xilka uu qaaday.

Xaflad lagu caleema saarayay boqorka labada bahood iyo marooyinka Ex-nabadoon Cabdullahi Geedi Shadoor oobishaan bilaawgeedii ka dhacday Muqdisho ayaa waxaa ka soo qeyb galay siyaasiyiin waxgarad iyo qeybaha kala duwan ee Bulshada