Safiirka Ingiriiska ayaa Shahaadooyinkaan guddoonsiisay Ciidanka sida gaar ah u tababaray ee ka tirsan Booliska Soomaaliyeed kuwaas oo loogu yeero RRT kadib markii uu u soo dhammaaday tababar muddo u socday.

Munaasabad ay ka wada qaybgaleen taliyaha Ciidanka Booliska Soomaaliyeed iyo Safiirka Dowladda Ingiriiska u fadhida Soomaaliya islamarkaana lagu qabtay magaalada muqdisho maanta ayaa lagu guddoonsiiyay abaalmarino iyo shahaadooyin la xiriira tababarada ay soo qaateen Ciidankaan gaarka ah oo ay dhismihiisu ku caawisay Dowladda Soomaaliya Dowladda Ingiriiska.